Bu gün Azərbaycanda bələdiyyə seçkiləri keçirilir
Bakı, 23 dekabr, AZƏRTAC
Dekabrın 23-də səhər saat 8:00-da Azərbaycanda bələdiyyə seçkiləri başlayıb.
AZƏRTAC xəbər verir ki, seçkilərdə 1607 bələdiyyə üzrə 15 min 35 bələdiyyə üzvlüyünə 37 min 77 namizəd iştirak edir. Namizədlərin 13 min 907-si 8 siyasi partiya tərəfindən, 23 min 61-i fərdi qaydada, 109-u isə təşəbbüs qrupu tərəfindən irəli sürülüb. Seçkiyə qatılan namizədlərdən 18 min 284-ü bitərəfdir. Ümumilikdə, namizədlər arasında 30 siyasi partiyanın təmsilçiləri var.
Seçkilər 118 seçki dairəsi üzrə 5015 seçki məntəqəsində keçirilir. Seçici siyahılarına 4 milyon 819 min 382 seçicinin adı daxil edilib.
Builki seçkilərdə qeydə alınan müşahidəçilərin sayı 50 mini keçib. Onlardan da 26 mindən çoxu siyasi partiya təmsilçisidir.
Ölkədə 118 seçki dairəsi üzrə 1000 seçki məntəqəsində veb-kamera quraşdırılıb.
Səsvermə saat 19:00-da başa çatacaq.
Bölmənin digər xəbərləri
