Cənub bölgəsindəki sürüşmə sahələrində ciddi dəyişiklik baş verməyib
Bakı, 9 dekabr, AZƏRTAC
Azərbaycanda son günlər ərzində davam edən yağıntılı hava şəraiti nəticəsində cənub bölgəsindəki sürüşmə sahələrində müəyyən qədər aktivləşmə yaranıb. Buna baxmayaraq bu sürüşmə sahələrində heç bir ciddi dəyişiklik baş verməyib.
Bunu AZƏRTAC-a açıqlamasında Ekologiya və Təbii Sərvətlər Nazirliyinin Kompleks Hidrogeologiya və Mühəndis Geologiyası Ekspedisiyasının ekzogen geoloji proseslərin öyrənilməsi partiyasının rəisi Sadiq Əmiraslanov deyib.
Nazirlik rəsmisi qeyd edib ki, ölkənin digər ərazilərindəki sürüşmə sahələrində də ciddi dəyişiklik müşahidə olunmayıb. Onun sözlərinə görə, yağıntılar intensiv şəkildə davam etsə, həmin ərazilərdə sürüşmə sahələri aktivləşə bilər. Bakıətrafı qəsəbələrə gəlincə, burada bir çox ərazilərdə kanalizasiya sisteminin qurulmaması problemlər yaradır. Məişət suları birbaşa torpağa axıdılır. Atmosfer yağıntıları isə bu prosesi bir qədər gücləndirərək sürüşməyə səbəb olur.
Bölmənin digər xəbərləri
