DÖVLƏT KOMİTƏSİNİN ƏMƏKDAŞLARI GÖRKƏMLİ ALİM ERİX FAYQLIN DƏFN MƏRASİMİNDƏ İŞTİRAK EDƏCƏKLƏR
Xarici Ölkələrdə Yaşayan Azərbaycanlılarla İş üzrə Dövlət Komitəsinin nümayəndə heyəti türk dünyasının böyük dostu, Vyana Universitetinin professoru, Avropa Azərbaycanlıları Konqresi idarə heyətinin fəxri üzvü Erix Fayqlın dəfn mərasimində iştirak etmək üçün Avstriyaya gedəcəklər.
Komitədən AZƏRTAC-a bildirmişlər ki, nümayəndə heyəti dəfn mərasimi ilə bağlı texniki-təşkilati məsələlərin həlli ilə məşğul olacaqdır.
Dəfn mərasimində Avstriyanın elm və mədəniyyət xadimləri, hökumət orqanlarının və mətbuatın təmsilçiləri ilə yanaşı, Avstriyadakı Azərbaycan və türk diaspor təşkilatlarının nümayəndələri də iştirak edəcəklər.
Bölmənin digər xəbərləri
