Dünya Turizm Təşkilatının Avropa Komissiyasının növbəti iclası keçirilmişdir
Bakı, 26 avqust (AZƏRTAC). Avqustun 25-də Zambiyanın Livinqston şəhərində BMT-nin Dünya Turizm Təşkilatının (DTT) Baş Assambleyası çərçivəsində bu qurumun Avropa Komissiyasının növbəti iclası keçirilmişdir.
İclasda Azərbaycan Respublikasının mədəniyyət və turizm naziri Əbülfəs Qarayev iştirak etmişdir.
Mədəniyyət və Turizm Nazirliyinin mətbuat xidmətindən AZƏRTAC-a bildirmişlər ki, iclasda Azərbaycanın DTT-nin İcraiyyə Şurasının üzvlüyünə namizədliyinin təsdiqlənməsi təklifi irəli sürülmüşdür. Həmçinin iclas iştirakçıları tərəfindən Dünya Turizm Təşkilatının Avropa Komissiyasının 2014-cü ilin aprel ayında keçirilməsi nəzərdə tutulan növbəti görüşünün Azərbaycanda təşkil olunması təklifi müzakirə edilmişdir.
Bölmənin digər xəbərləri
