“Ekol Mühəndislik Xidmətləri” QSC Qazaxıstanın“Munay-Ekologiya” şirkəti ilə əməkdaşlıqda maraqlıdır
Bakı, 26 noyabr (AZƏRTAC). “Ekol Mühəndislik Xidmətləri” Qapalı Səhmdar Cəmiyyətində (QSC) Qazaxıstanın “Munay-Ekologiya” şirkətinin baş direktoru Duman Aripbayevlə görüş olmuşdur.
QSC-nin baş direktoru Ramil Əliyev rəhbərlik etdiyi qurumun fəaliyyəti barədə məlumat vermişdir. R.Əliyev “Munay-Ekologiya” şirkətinin Qazaxıstanda ekoloji layihələr həyata keçirdiyini vurğulamış və bu baxımdan şirkətlə əməkdaşlıq əlaqələrinin yaradılmasında maraqlı olduqlarını demişdir.
QSC-dən AZƏRTAC-a bildirmişlər ki, görüşdə yeni, müasir qurğuların istehsalata tətbiqi sahəsində ətraflı fikir mübadiləsi aparılmış və gələcəkdə qarşılıqlı əlaqələrin yaradılması, eləcə də şirkətlərin ikitərəfli təcrübələrdən bəhrələnməsi məsələləri geniş müzakirə edilmişdir.
Bölmənin digər xəbərləri
