“Ekoloji Park”da oktyabrda yaşıllaşdırma işləri aparılmışdır
Bakı, 15 noyabr (AZƏRTAC). Azərbaycan Respublikası Dövlət Neft Şirkəti (ARDNŞ) Ekologiya İdarəsinin “Ekoloji Park”ında oktyabrda yaşıllaşdırma işləri aparılmışdır.
ARDNŞ-in mətbuat xidmətindən AZƏRTAC-a bildirmişlər ki, parkın ərazisində 60 ləkdən ibarət “Açıq şitilxana sahəsi”ndə 165 mindən çox ağac-kol tinginə qulluq göstərilmiş, “Qapalı şitilxana sahəsi”ndə xüsusi şəbəkələrdə toxum səpini aparılmışdır. Ümumilikdə oktyabrda “Qapalı şitilxana sahəsi”ndə 14 min 700 toxum əkilmiş, 10 min 120 toxmaçar şəbəkələrdən polietilen torbalara köçürülmüşdür. Oranjereya bölməsində 400 müxtəlif növ otaq gülü yaşıl çiling və pöhrələrlə artırılmışdır.
Bakıda yerləşən parklardan oktyabrda 4 kiloqram Kanada ərkivanı, 4 kiloqram Xəzər lələyi və 2 kiloqram Eldar şamı toxumu tədarük edilmişdir.
Bölmənin digər xəbərləri
