ƏLİ BAYRAMLIDA 170 NƏFƏR ADAM İŞLƏ TƏMİN OLUNMUŞDUR
AZƏRTAC-ın müxbiri xəbər verir ki, Meliorasiya və Su Təsərrüfatı Komitəsinin sifarişi ilə işləyən həmin müəssisədə “Regionların sosial-iqtisadi inkişafının sürətləndirilməsi üzrə Dövlət Proqramı”nın yerinə yetirilməsi istiqamətində əməli tədbirlər görülmüşdür. Burada müxtəlif tipli, daha mükəmməl su nasosları, elektrik transformatorları və mühərriklərinin, onların ehtiyat hissələrinin, habelə müxtəlif ölçülü metal konstruksiyaların geniş istehsalına başlanmaqla əsaslı təmir sexinin işi tam qaydaya salınmış, əlavə səyyar montaj xidməti yaradılmışdır.
Bundan əlavə, neftçıxarma sahələri üçün bir sıra avadanlığın istehsalına da hazırlıq görülmüşdür. Birlikdə işləyənlərin sayı qısa müddətdə 170 nəfərə çatmışdır.
Bölmənin digər xəbərləri
