Gələn həftənin ilk iş günü hava qeyri-sabit keçəcək
Bakı, 13 dekabr, AZƏRTAC
Gələn həftənin ilk iş günü Bakıda və Abşeron yarımadasında buludlu hava şəraitinin üstünlük təşkil edəcəyi, arabir yağış yağacağı gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova AZƏRTAC-a açıqlamasında bildirib ki, şimal küləyi əsəcək. Dekabrın 16-da isə havanın dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Temperaturun gecə 5-7° isti, gündüz 7-9° isti olacağı gözlənilir.
Azərbaycanın rayonlarında isə dekabrın 15-də hava şəraitinin arabir yağıntılı olacağı, bəzi yerlərdə sulu qar, qar yağacağı gözlənilir. Ayın 16-sı gündüz hava əsasən yağmursuz keçəcək, şərq küləyi əsəcək.
Bölmənin digər xəbərləri
