GƏNCƏDƏ MALİYYƏ İŞÇİLƏRİNİN ZONA MÜŞAVİRƏSİ KEÇİRİLMİŞDİR
Ölkənin makroiqtisadi göstəricilərinə toxunan nazir Əvəz Ələkbərov demişdir ki, 2003-cü ildə əhalinin adambaşına real pul gəlirləri artaraq 2,9 milyon manata çatmışdır. Ölkəmizin iqtisadiyyatının dinamik inkişafı dövlət büdcəsi gəlirlərinin əvvəlki ilə nisbətən 34,7 faiz, xərclərinin isə 32,5 faiz artımında da özünü göstərmişdir.
Nazir qazanılmış uğurlarla yanaşı, nöqsanlardan da danışaraq demişdir ki, bəzi hallarda büdcə vəsaitlərinin səmərəli və təyinatı üzrə istifadəsində ciddi nöqsanlara yol verilir, uçot-hesabat işləri dəqiq aparılmır.
Sonra nazirliyin büdcə şöbəsinin rəisi Fazil Fərəcov 2003-cü il dövlət büdcəsinin icrası zamanı şəhər və rayon maliyyə idarələrində yol verilən nöqsanlar və cari ildə bu qüsurların aradan qaldırılması sahəsində qarşıda duran vəzifələrə dair məruzə etmişdir.
Canlı dialoq şəklində keçən müşavirədə rayonların maliyyə, təhsil, səhiyyə və mədəniyyət idarələrinin rəhbərləri çıxış edərək arzu və təkliflərini bildirmişlər. Maliyyə naziri Əvəz Ələkbərov müşavirəyə yekun vurmuşdur.
Bölmənin digər xəbərləri
