Göygöl rayonunda təbii fəlakətlərə qarşı qabaqlayıcı tədbirlər görülür
Göygöl, 11 dekabr (AZƏRTAC). Gəncə çayının Göygöl rayonu ərazisindən keçən hissəsində sahilbərkitmə işlərinin ilkin mərhələsi başa çatmışdır. İlk mərhələdə dayaq bəndləri ilə yanaşı, suyu iki hissəyə ayıran qurğular quraşdırılmışdır.
Göygöl Rayon Suvarma Sistemləri İdarəsinin rəisi Namaz Quliyev AZƏRTAC-a bildirmişdir ki, Gəncə çayında suyun təzyiqini normallaşdırmaq, eləcə də torpağın yuyulmasının qarşısını almaq məqsədi ilə çayın Göygöl rayonu ərazisindən keçən hissəsində Azərbaycan Meliorasiya və Su Təsərrüfatı ASC-nin yerli qurumları tərəfindən uzunluğu 33 metr, eni 27, hündürlüyü isə 4,6 metr olan bəndlərin inşası başa çatdırılmış, çayın üzərindəki sutənzimləyən köhnə qapılar yenisi ilə əvəz edilmişdir. Sahilbərkitmə işlərinin növbəti mərhələsi gələn ilin mart ayında davam etdiriləcəkdir.
Bölmənin digər xəbərləri
