Hazırda Azərbaycanda səkkiz turizm informasiya mərkəzi fəaliyyət göstərir
Bakı, 10 mart (AZƏRTAC). Son illər Azərbaycanda fəaliyyət göstərən turizm şirkətlərinin sayı 200-ə, mehmanxana və mehmanxana tipli obyektlərin sayı 2003-cü illə müqayisədə 5 dəfədən çox artaraq 506-ya çatmışdır.
AZƏRTAC xəbər verir ki, bütün bunların nəticəsi olaraq 2012-ci ildə Azərbaycana gələn əcnəbi vətəndaşların sayı 2003-cü illə müqayisədə 2,4 dəfə artaraq 2 milyon 480 min nəfərdən çox olmuşdur. Son 10 il ərzində turizm sahəsində çalışan işçilərin sayında 2,9, yerləşdirmə obyektlərində yerlərin ümumi sayında isə 3,3 dəfə artım baş vermişdir. Göstərilən dövrə görə ölkə üzrə ümumi daxili məhsulda turizmin xüsusi çəkisi iki dəfə artmışdır.
Hazırda Azərbaycanda 8 turizm informasiya mərkəzi fəaliyyət göstərir.
Bölmənin digər xəbərləri
