HEYDƏR ƏLİYEV DİGƏR SİYASƏTÇİLƏRƏ VƏ DÖVLƏT XADİMLƏRİNƏ NÜMUNƏ OLMALIDIR
Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a daxil olan məlumatda deyilir ki, ölkəmizin Türkiyədəki səfirliyi dekabrın 18-də Ankara şəhərində dahi öndəri anma mərasimi keçirmiş, ehsan süfrəsi açmışdır. “Ankara Palace” Dövlət Qonaq Evində təşkil olunan mərasimdə Türkiyədəki Azərbaycan dərnəklərinin sədrləri, qardaş respublikanın Konstitusiya Məhkəməsinin hakimləri, kənd təsərrüfatı, nəqliyyat, sənaye və ticarət nazirləri, TBMM-nin millət vəkilləri, Türk-Yapon Dostluq, “İpək yolu” fondlarının və digər ictimai təşkilatların üzvləri, TRT-nin Azərbaycan verilişləri redaksiyasının rəhbəri Seyfəddin Altaylı, Əfqanıstan, Əlcəzair, Bosniya və Hersoqoviniya, Şimali Kipr Türk Cümhuriyyəti, Hindistan və İndoneziyanın Türkiyə və Azərbaycanda akkreditə olunmuş səfirləri və nümayəndələri Dövlət Komitəsinin məsul işçiləri iştirak etmişlər. Tədbirdə çıxış edənlər Prezident Heydər Əliyevin keçdiyi ömür yolundan danışmışlar. Qeyd olunmuşdur ki, öz xalqını və millətini sevən Heydər Əliyev digər siyasət adamlarına da nümunə olmalıdır.
Bölmənin digər xəbərləri
