İƏT nümayəndə heyətinin rəhbəri: Azərbaycan xalqına uğurlu və parlaq gələcək arzu edirik
Bakı, 11 aprel, AZƏRTAC
İslam Əməkdaşlıq Təşkilatına üzv ölkələrin Parlament İttifaqına 54 ölkə daxildir. Azərbaycan Milli Məclisi də bu qurumun üzvüdür. Azərbaycanda 20-dən çox seçki məntəqəsində olduq və səsvermə prosesi yüksək səviyyədə keçdi.
AZƏRTAC xəbər verir ki, bu sözləri İslam Əməkdaşlıq Təşkilatı Parlament İttifaqının baş katibi Mahmud Erol Kılıç səsvermə prosesi ilə bağlı apardıqları müşahidələrin yekununa dair mətbuat konfransında deyib.
Mahmud Erol Kılıç bildirib ki, seçki məntəqələrində seçicilərlə, məntəqə komissiyalarının üzvləri və müşahidəçilərlə söhbətlərdən hər iki tərəf məmnunluqla ayrılıb. Seçkilər şəffaf, ədalətli və qanunlar çərçivəsində keçirilib. Biz heç bir nöqsan aşkar etməmişik. Azərbaycan xalqına uğurlu və parlaq gələcək arzu edirik.
Bölmənin digər xəbərləri
