“İnter” komandası “Kəpəz”ə bir qolla qalib gəlib
Bakı, 19 fevral, AZƏRTAC
Fevralın 19-da Azərbaycan Premyer Liqasında XXII tura start verilib.
AZƏRTAC xəbər verir ki, turun ilk gününə bir qarşılaşma keçirilib. Bakının “İnter” klubu Gəncənin “Kəpəz” komandasını qəbul edib. Bu oyun ölkə çempionatlarında komandalar arasında keçirilən iyirmi birinci qarşılaşma olub. Bu günədək keçirilmiş qarşılaşmaların əksəriyyətində rəqibindən üstün olan “İnter” bu dəfə də minimal hesabla qələbə qazanıb. Bakı təmsilçisinə qalibiyyət gətirən qolu matçın 55-ci dəqiqəsində Nizami Hacıyev vurub. Görüşün sonlarına yaxın “Kəpəz” hesabı bərabərləşdirməyə səy göstərsə də meydan sahibinin müdafiəsi buna imkan verməyib.
Beləliklə, “İnter” turnir cədvəlində üçüncü pilləyə yüksəlib. Şahin Diniyevin yetirmələri isə 32 xalla beşinci sırada qərarlaşıblar.
Bölmənin digər xəbərləri
