İpək Yolunda turizmin inkişaf etdirilməsi məsələləri müzakirə olunub

27.01.2017 [18:30]
Çap et
A⁺ A^-

İstanbul, 27 yanvar, АZƏRTAC

İstanbulda Türkdilli Dövlətlərin Əməkdaşlıq Şurasının (TDƏŞ) baş katibi Ramil Həsənov ilə BMT-nin Dünya Turizm Təşkilatının (DTT) baş katibi Taleb Rifai arasında görüş olub.

TDƏŞ-in mərkəzi aparatında keçirilən görüşdə iki təşkilat arasında 2015-ci ildən mövcud Əməkdaşlıq Protokolu əsasında tarixi İpək Yolunda turizmin inkişaf etdirilməsinə dair məsələlər, həmçinin BMT Baş Assambleyasının elan etdiyi “2017-ci il - Beynəlxalq inkişaf naminə davamlı Turizm İli” çərçivəsində əməkdaşlıq imkanları müzakirə olunub.

Tərəflər TDƏŞ ilə DTT arasında turizm sahəsində əməkdaşlıq əlaqələrinin perspektivlərini yüksək qiymətləndiriblər.

Sabir Şahtaxtı

AZƏRTAC-ın xüsusi müxbiri

İstanbul