İsmayıllı rayonuna turist axını güclənir
İsmayıllı, 19 dekabr (AZƏRTAC). Zəngin flora və faunaya malik olan İsmayıllı rayonu həm də qədim və orta əsrlərə aid tarixi abidələri, maddi-mədəniyyət nümunələri ilə də turistlərin diqqətini cələb edir. Təsadüfü deyildir ki, son illərdə rayona turist axını güclənmişdir.
Rayon mədəniyyət və turizim şöbəsindən AZƏRTAC-a bildirmişlər ki, cari ildə İsmayıllıya 72 min nəfərdən çox turist gəlmişdir. Rayonun əsrarəngiz guşələrində dincələn, görməli yerlərini ziyarət edən turistlərin təqribən yarısı xarici ölkələrin vətəndaşları olmuşlar.
Bu il rayona gələn turistlərin sayı ötən ildəkindən 12 min 500, 2010-cu ildəkindən 47 min, 2009-cu ildəkindən isə 57 min nəfər çoxdur.
“Azərbaycan Respublikasında 2010-2014-cü illərdə turizmin inkişafına dair Dövlət Proqramı” çərçivəsində ölkəmizdə, o cümlədən İsmayıllıda həyata keçirilən tədbirlər, ümumiyyətlə, turizim xidməti infrastrukturunun inkişafına göstərilən dövlət dəstəyi rayonda turizmin inkişafına, bu bölgəyə turist axınının sürətlə artmasına səbəb olmuşdur.
Bölmənin digər xəbərləri
