MƏDƏNİYYƏT
Jasmin: Azərbaycan mənim ruhuma çox yaxındır VİDEO
Bakı, 27 iyul, AZƏRTAC
Bakı vətənim qədər mənə əzizdir. Dərbənddə doğulsam da, uşaqlıqda valideynlərimlə bərabər bura tez-tez səyahət edirdik. Burada bizim çoxlu dostlarımız və qohumlarımız var. Ona görə də Azərbaycan mənim ruhuma çox yaxındır. Sizin bayramlarınızı çox sevirəm, xüsusilə də Novruz bayramını. Milli təamlarınız isə çox ləzzətlidir. Bir sözlə mən doğma şəhərimə gəlmiş kimiyəm.
Bu sözləri AZƏRTAC-a müsahibəsində “Jara-2019” musiqi festivalının iştirakçılarından biri, Rusiyanın məşhur estrada artisti Jasmin deyib.
Müğənni “Jara”ya bir neçə aydır ki, hazırlaşdığını qeyd edərək gələn il festivala öz uşaqları ilə gələcəyini bildirib.