Kitabxanada Azərbaycanın turizm istiqamətli təbiət abidələri təbliğ edilir
Bakı, 13 avqust (AZƏRTAC). Binəqədi Rayon Mərkəzləşdirilmiş Kitabxana Sistemində oxuculara mütəmadi olaraq Azərbaycanın təbiət abidələrinə dair maraqlı məlumatlar verilir.
AZƏRTAC xəbər verir ki, kitabxananın veb-səhifəsində yerləşdirilmiş növbəti məqalə “Yanardağ”a həsr edilmişdir. “Sualtı qayadan qalxan od” sərlövhəli məqalədə “Yanardağ”ın yaranma səbəbi, buradakı vulkanik-tektonik proseslərin hələ eramızdan əvvəl başlanmasına, ərazi haqqında hələ erkən orta əsr səyyahlarının yazılarında məlumatların əks olunmasına dair maraqlı faktlar öz əksini tapmışdır. Məqalədə, həmçinin təbiət abidələrinin qorunması ilə bağlı görülən işlər, o cümlədən “Yanar dağ”ın Azərbaycan Prezidentinin müvafiq Sərəncamı ilə 2007-ci ildən dövlət tarix-mədəniyyət və təbiət qoruğu olması və Qurd yuvası, min yaşı olan iki qəbiristanlıq və qədim məscid, “Qotur su” bulağı, “Əli daşı”, Kardaşı, Qırməki vadisi və “Yanardağ”ın bu qoruğun ərazisinə aid edilməsi də diqqətə çatdırılmışdır.
Bölmənin digər xəbərləri
