Kür çayının aşağı axınında suyun səviyyəsində azalma qeydə alınıb
Bakı, 26 dekabr, AZƏRTAC
Dekabrın 26-da Kür çayının Qıraqkəsəmən məntəqəsində, eləcə də Qanıx çayının Əyriçay məntəqəsində suyun səviyyəsində 1 sm azalma müşahidə olunub.
Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib.
Kür çayının aşağı axınında və Araz çayının Novruzlu məntəqəsində də suyun səviyyəsində azalma qeydə alınıb.
Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 150-170, Kiçik Qafqazın çaylarında 130-170, Lənkəran-Astara bölgəsi çaylarında isə 80-110, Naxçıvan Muxtar Respublikası çaylarında isə 30 faizini təşkil edir.
Bölmənin digər xəbərləri
