Kürqırağı Tuqay meşələrinin müasir vəziyyəti öyrənilir
Bakı, 2 fevral, AZƏRTAC
Azərbaycan Milli Elmlər Akademiyası (AMEA) akademik Həsən Əliyev adına Coğrafiya İnstitutunda “Kürqırağı Tuqay meşələrinin müasir vəziyyəti və bərpası yolları” mövzusunda tədqiqatlar aparılır.
İnstitutdan AZƏRTAC-a bildirilib ki, ilkin mərhələdə Bərdə-Ağcabədi bölgəsinin Tuqay meşələrinin müasir vəziyyəti tədqiq olunub. Rayonlarda aparılan çoxillik müşahidələrə görə, Tuqay meşələrində antropogen təsirlə bağlı bəzi ağac cinsləri, o cümlədən ağyarpaq qovaq, sonradan salınmış ağ akasiya, yaşıl göyrüş sıradan çıxır və əksinə, Eldar şamı və nar əkinləri yaxşı nəticə verir. Antropogen təsirin nəticəsi olaraq çəmən-meşə torpaqları tədricən boz-çəmən, bataqlıq-çəmən torpaqlara transfer olur. Tuqay meşələrində suya çox tələbkar bəzi ağac cinsləri quruyur və bu, torpaqda rütubətin əvvəlki illərə nisbətən azalması ilə əlaqədardır.
Bölmənin digər xəbərləri
