Lindakivi Mədəniyyət Mərkəzində Novruz bayramı geniş qeyd olunmuşdur
Tallinn, 21 mart (AZƏRTAC). Estoniya-Azərbaycan İcması martın 20-də Tallinndəki Lindakivi Mədəniyyət Mərkəzində Novruz bayramını geniş qeyd etmişdir.
Bayram tədbirində Azərbaycan Respublikası səfirliyinin əməkdaşları, Türkiyənin Estoniyadakı səfiri Ayşənur Arpaslan, Estoniya ictimaiyyətinin nümayəndələri və bu ölkədə yaşayan azərbaycanlılar iştirak etmişlər.
“Qratsiya” rəqs qrupunun ifa etdiyi “Yallı” və “Nəlbəki” rəqsləri tədbiri iştirakçılarına xoş ovqat bəxş etmişdir.
Sonra qonaqlara Novruzun yaranma tarixi barədə məlumat verilmiş, gənclərin ifasında kiçik tamaşa təqdim olunmuşdur.
Bayram Azərbaycan mahnıları və rəqsləri ilə davam etdirilmiş, Novruz bayramının bəzəyi olan səməni və Azərbaycan şirniyyatları süfrələri bəzəmişdi.
Nigar Hüseynova
AZƏRTAC-ın xüsusi müxbiri
Tallinn
Bölmənin digər xəbərləri
