Moskvada RAGB-ın “Liderlik və fəal vətəndaş iştirakı” mövzusunda qış məktəbi təşkil ediləcəkdir
Bakı, 25 yanvar (AZƏRTAC). Yanvarın 28-dən fevralın 2-dək Moskva Beynəlxalq Ticarət Mərkəzində Azərbaycan Gənclər və İdman Nazirliyinin və Rusiyanın Gənclərlə İş üzrə Federal Agentliyinin dəstəyi ilə Rusiyanın Azərbaycanlı Gənclər Birliyinin (RAGB) “Liderlik və fəal vətəndaş iştirakı” mövzusunda qış məktəbi təşkil ediləcəkdir.
RAGB-ın idarə heyətinin üzvü Emin Hacıyev AZƏRTAC-a bildirmişdir ki, qış məktəbi çərçivəsində Rusiya gənclərinin təmsilçiləri üçün Avropa İttifaqının təlimçilər şəbəkəsindən qeyri-formal təhsil sahəsində iş təcrübəsinə malik təlimçilərin, həmçinin Azərbaycanın və Rusiyanın dövlət strukturları nümayəndələrinin rəhbərliyi ilə mühazirə və seminarlar keçiriləcəkdir. Tədbirin mövzusu gənclərin müasir həyatının müxtəlif istiqamətlərini əhatə edəcəkdir.
Layihənin məqsədi iştirakçılarda liderlik keyfiyyətlərini, fəal vətəndaş mövqeyini inkişaf etdirmək, gənclərin vacib ictimai proseslərdə iştirak səviyyəsini yüksəlməkdir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
