Noyabr ayı ərzində ETSN-in “Qaynar xətt”inə 121 müraciət daxil olmuşdur
Bakı, 7 dekabr (AZƏRTAC). Ekologiya və Təbii Sərvətlər Nazirliyinin (ETSN) 24 saat fəaliyyət göstərən “Qaynar xətt”i (539-18-63, 538-13-35) ətraf mühitin mühafizəsi və ekoloji qanun pozuntuları ilə bağlı müraciətlər qəbul edir.
Nazirliyin mətbuat xidmətindən AZƏRTAC-a bildirmişlər ki, 2011-ci ilin noyabr ayı ərzində “Qaynar xətt” xidmətində qeydə alınmış 121 müraciətdən 97-si ağacların aşma təhlükəsi, 13-ü ağacların kəsilməsi, 11-i isə atmosfer havasının çirklənməsi, çirkab suların axıdılması, məişət tullantılarının qalaqlanması, səs-küy, yerin təkindən istifadə və elektromaqnit şüalanma ilə əlaqədar olmuşdur.
Nazirliyin mütəxəssisləri tərəfindən bütün müraciətlər yerində araşdırılmış və qanuna müvafiq tədbirlər görülmüşdür.
Bölmənin digər xəbərləri
