Oktyabrın 30-da axşam ölkə ərazisində yağış yağacağı gözlənilir
Bakı, 29 oktyabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, oktyabrın 30-da Bakıda və Abşeron yarımadasında buludlu hava şəraitinin üstünlük təşkil edəcəyi, gecə və səhər zəif dumanlı, çiskinli olacağı, gündüz havanın arabir açılacağı, axşam isə yağış yağacağı gözlənilir.
Cənub-qərb, qərb küləyi əsəcək, günün ikinci yarısında şimal-qərb küləyi ilə əvəz olunacaq, axşama doğru arabir güclənəcəkdir. Havanın temperaturu gecə müsbət 13-15, gündüz 17-19 dərəcə olacaqdır.
Oktyabrın 30-da Azərbaycanın rayonlarında hava şəraitinin qeyri-sabit keçəcəyi, şimşək çaxacağı, arabir yağış yağacağı, bəzi yerlərdə leysan xarakterli olacağı ehtimalı vardır. Qərb küləyinin əsəcəyi gözlənilir.
Havanın temperaturu gecə müsbət 11-14, gündüz 16-20, dağlarda gecə 2-4, gündüz 5-8 dərəcə olacaqdır.
Bölmənin digər xəbərləri
