Ötən il 368,5 hektar ərazidə meşə yanğını baş verib
Bakı, 3 mart, AZƏRTAC
Meşələrdə yanğın təhlükəsinin qarşısını almaq məqsədilə Azərbaycan Respublikasının “Yanğın Təhlükəsizliyi Haqqında Qanun”unun tələblərinə uyğun olaraq hər il olduğu kimi cari ildə də bir sıra qabaqlayıcı zəruri tədbirlər həyata keçirilib, əhali arasında, habelə fermer və digər torpaq mülkiyyətçiləri arasında mütəmadi olaraq izahat işləri aparılıb, müəssisələr yanğınsöndürmə avadanlıqları ilə təmin olunub, bir çox yerlərdə meşə ətrafı ərazilərin minerallaşdırılması (yanğın əleyhinə zolaqlar çəkilməsi) həyata keçirilib, gündəlik növbətçiliklər təşkil edilib. Odur ki, havaların uzun müddət quraqlıq keçməsinə baxmayaraq ciddi meşə yanğınları olmayıb.
Departamentdən AZƏRTAC-a bildirilib ki, 2017-ci il ərzində 6 müəssisədə cəmi 368,5 hektar sahədə meşə yanğınları baş verib ki, onlar da operativ qaydada söndürüldüyündən meşələrə ciddi ziyan dəyməyib.
Bölmənin digər xəbərləri
