Ötən il Azərbaycan rusiyalı turistlərin üz tutduğu ölkələrin ilk onluğuna daxil olub
Bakı, 12 fevral, AZƏRTAC
“TurStat” agentliyi Rusiya turistləri üçün 2016-cı ildə ən populyar xarici ölkələrin adlarını açıqlayıb.
AZƏRTAC xəbər verir ki, 2016-cı ildə Azərbaycan rusiyalı turistlər arasında populyarlığına görə ilk onluğa düşüb. Belə ki, ötən il Rusiyadan ölkəmizə 740 min turist gəlib. Azərbaycana gələn xaricilər arasında rusiyalı turistlər birinci yeri tutur.
“TurStat”ın araşdırmasına görə, Tunis, Mərakeş, Kipr, Kuba və Vyetnam 2016-cı ildə Rusiyadan gediş turizminin ən yüksək artım tempini göstərib. Moskva, Sankt-Peterburq və Soçi turistlərin ən çox üz tutduqları şəhərlər hesab edilib.
Bölmənin digər xəbərləri
