Ötən il Azərbaycana 2 milyon 484 min 48 əcnəbi gəlmişdir
Bakı, 17 mart (AZƏRTAC). Əgər 2003-cü ildə turizm sahəsində çalışan işçilərin sayı 2 min 678 nəfər idisə, ötən ildə bu göstərici təxminən 8 min nəfər olmuşdur. 2003-cü ildə Azərbaycana 1 milyon 13 min 811 əcnəbi gəlmişdirsə, ötən ildə ölkəmizə gələn xarici vətəndaşların sayı 2 milyon 484 min 48 nəfər olmuşdur.
AZƏRTAC xəbər verir ki, bu sözləri mədəniyyət və turizm nazirinin müavini Nazim Səmədov “Heydər Əliyev 90: İqtisadi modernləşdirmə” mövzusunda keçirilmiş konfransda demişdir.
Azərbaycana gələn turistlərin ölkəmizdəki xərclərinin müvafiq olaraq 57,7 milyon ABŞ dollarından təqribən 1,3 milyard dollaradək artdığını qeyd edən nazir müavini demişdir ki, bu irəliləyiş, ilk növbədə, turizm sahəsində dövlət siyasətinin, müvafiq dövlət proqramlarının uğurlu icrasının nəticəsidir. Mehmanxana və mehmanxana tipli obyektlərin sayı 2001-ci ildə 69, 2006-cı ildə isə 288 olmuşdur. Ötən ilin statistik göstəricilərinə əsasən, belə obyektlərin sayı təqribən 520, respublika üzrə yataq yerlərinin ümumi sayı isə 32 min təşkil etmişdir.
Bölmənin digər xəbərləri
