QALİB İDMANÇILARLA GÖRÜŞ
Son vaxtlar mingəçevirli idmançılar bir neçə beynəlxalq yarışda ölkəmizi uğurla təmsil etmiş, sambo, sərbəst güləş və boks üzrə dünya çempionatlarının gümüş və bürünc, Avropa birinciliyinin qızıl medalını qazanmış, respublika turnirlərinin qalibi olmuşlar.
AZƏRTAC-ın müxbiri xəbər verir ki, bu münasibətlə şəhər icra hakimiyyətində qalib idmançılarla görüş keçirilmişdir. Tədbirdə çıxış edənlər respublikamızda idmanın inkişafına göstərilən qayğıdan danışmış, Azərbaycanın idman şərəfini ləyaqətlə qoruyan həmyerlilərini təbrik etmişlər.
Bölmənin digər xəbərləri
