“Qəbələ” klubunun 11 yaşadək futbolçulardan ibarət komandası beynəlxalq turnirdə iştirak edəcək
Bakı, 13 iyun, Nicat Məmmədov, AZƏRTAC
“Qəbələ” klubunun 11 yaşadək futbolçulardan ibarət komandası beynəlxalq turnirdə iştirak edir.
AZƏRTAC klubun saytına istinadla xəbər verir ki, “Qırmızı-qaralar” Polşanın Krakov şəhərində təşkil olunan “X Football Academy 21 Cup”da qüvvəsini sınayırlar. İyunun 13-də start götürən turnir bu ayın 17-dək davam edəcək.
Yarış Krakov Şəhər Meriyasının “Football 21” Akademiyasının təşkilatçılığı, Miroslav Şimkovyak və Tomaş Frankovskinin dəstəyi ilə keçirilir. Əvvəlki illərdə “Mançester Yunayted”, “Mançester Siti”, “Everton”, “İnter”, “Borussiya” (Dortmund), “Valensiya” klublarının təmsilçiləri də bu turnirdə mübarizə aparıblar.
Bölmənin digər xəbərləri
