Qırğızıstanlı müşahidəçi: Seçkilərdə heç bir qanun pozuntusuna rast gəlmədik VİDEO
Bakı, 12 aprel, AZƏRTAC
Qırğızıstan Azərbaycan xalqını İlham Əliyevin prezident seçilməsi münasibətilə təbrik edir. Dünən biz məntəqələrdə olduğumuz zaman heç bir qanun pozuntusuna rast gəlmədik. Xalqın əhval-ruhiyyəsi yüksək idi.
AZƏRTAC xəbər verir ki, bu sözləri prezident seçkilərini müşahidə edən Qırğızıstan-Azərbaycan parlamentlərarası dostluq qrupunun rəhbərinin müavini Talaybek Masabirov aprelin 12-də keçirdiyi mətbuat konfransında söyləyib.
Talaybek Masabirov bildirib ki, 10-a yaxın seçki məntəqəsində olub və seçicilər öz iradələrini azad şəkildə ifadə ediblər. Seçkilərin keçirilməsi üçün yaxşı şərait yaradılmışdı.
Seçkilərin şəffaf və ədalətli keçdiyini vurğulayan Talaybek Masabirov Azərbaycan xalqına sülh və tərəqqi arzulayıb.
Bölmənin digər xəbərləri
