Rəqəmsal inkişaf və nəqliyyat naziri Bərdə rayonunda vətəndaşlarla görüşəcək
Bakı, 13 avqust, AZƏRTAC
Avqustun 20-də rəqəmsal inkişaf və nəqliyyat naziri Rəşad Nəbiyev Bərdə şəhərində yerləşən Telekommunikasiya Qovşağında Bərdə, Tərtər, Ağdam, Ağcabədi, Beyləqan, Goranboy, Xocalı, Xocavənd və Laçın rayonlarının sakinləri ilə görüşəcək.
AZƏRTAC nazirliyin məlumatına istinadən xəbər verir ki, nazir bu bölgələrdə göstərilən nəqliyyat, telekommunikasiya, o cümlədən internet, teleradio yayımı və poçt xidmətləri sahəsində əhalini maraqlandıran məsələlərlə bağlı vətəndaşları dinləyəcək.
Qəbula 19 avqust 2024-cü il tarixinə qədər nazirliyin Çağrı Mərkəzi (1655) və elektron poçtu ([email protected]), həmçinin 010 250 48 48 və 012 598 58 58 (daxili 222 və 290) nömrəli telefonlar vasitəsilə yazılmaq mümkündür.
Bölmənin digər xəbərləri
