Rusiyalı bəstəkar və musiqişünas: Üzeyir Hacıbəylinin fəaliyyəti qlobal əhəmiyyətə malikdir
Bakı, 19 sentyabr, AZƏRTAC
2025-ci il sentyabrın 18-də dahi bəstəkar, Azərbaycan müasir peşəkar musiqisinin banisi, dirijor, musiqişünas, publisist, dramaturq, pedaqoq, ictimai xadim, SSRİ Xalq artisti Üzeyir Hacıbəylinin anadan olmasının 140 illiyi tamam olub.
AZƏRTAC bu əlamətdar hadisə münasibətilə bütün dünyada tanınmış musiqi və mədəniyyət xadimləri ilə silsilə söhbətləri davam etdirir. Sovet və Rusiya bəstəkarı, musiqişünas, sənətşünaslıq doktoru, professor Aleksandr Maklıqin Üzeyir Hacıbəylinin yaradıcılığından bəhs edib.
Üzeyir Hacıbəyli yaradıcılığının qlobal əhəmiyyəti ondan ibarətdir ki, o, öz doğma mədəniyyəti üçün yeni bədii məkan açmağa nail olub və bununla da parlaq musiqi intuisiyasının şüaları ilə XX əsrdə müxtəlif türk xalqlarının akademik inkişaf perspektivlərini işıqlandırıb. Onun sayəsində Bakı XX əsrin birinci yarısında milli musiqi mədəniyyətlərində öncül olan bir çox bəstəkarın cazibə mərkəzinə çevrildi. Üzeyir Hacıbəylinin akademik musiqi ənənələrini təbii şəkildə folklorun incə aləminə inteqrasiya etmək təcrübəsi peşəkar milli sənətin formalaşması dövründə bir çox türk musiqi təcrübələrində yaradıcılıq problemlərinin həlli üçün münbit zəmin olduğunu sübut etdi. Hacıbəylinin yaradıcılıq metodunun yüksək bədii effektliliyi ondan xəbər verir ki, “Koroğlu” operasının parlaq premyerası bu əsərin bir çox türk dillərinə tərcümələri üzrə misli görünməmiş zəncirvari reaksiyaya səbəb olub, ardınca milli respublikalarda böyük əsərlər meydana çıxıb.
Bölmənin digər xəbərləri
