Şahdağ qış-yay turizm kompleksi ilk xizəksürənləri bu ilin sonunda qəbul edəcəkdir
Bakı, 12 iyul (AZƏRTAC). Cari ilin dekabrında Qusarda yerləşən Şahdağ qış-yay turizm kompleksi ilk xizəksürənləri qəbul etməyə hazır olacaqdır.
AZƏRTAC xəbər verir ki, bu sözləri jurnalistlərə açıqlamasında mədəniyyət və turizm naziri Əbülfəs Qarayev demişdir. Nazir bildirmişdir ki, bu məkan xidmətlər, şərait, infrastruktur baxımdan da yüksək olacaqdır.
Əbülfəs Qarayev qeyd etmişdir ki, inşası dörd mərhələdə aparılan Şahdağ qış-yay turizm kompleksinin birinci mərhələsi üzrə tikinti işləri tamamlanmaq üzrədir. Bu mərhələyə ilk növbədə infrastrukturun qurulması, yəni qaz, elektrik, su, rabitə sistemlərinin və 32 kilometrlik yolun tikintisi daxildir.
Bölmənin digər xəbərləri
