Şahdağ Qış-Yay Turizm Kompleksini bayram günlərində 10 minə yaxın turist ziyarət etmişdir
Qusar, 26 mart (AZƏRTAC). Qusardakı Şahdağ Qış-Yay Turizm Kompleksində Novruz bayramı günlərində 10 minə yaxın turist istirahət etmişdir.
AZƏRTAC xəbər verir ki, kompleksdə yerli turistlərlə yanaşı xarici ölkələrin vətəndaşları dincəlmişlər. Turistlər istirahət məkanında 6 kanat xətti, 4 müxtəlif xizək yolu, otel, restoran, bar və idman zallarının xidmətlərindən istifadə etmişlər.
Qış turizm mövsümü yekunlaşmaq üzrə olsa da, turistlərin Şahdağ Qış-Yay Turizm Kompleksinə gəlməsi davam edir. Kompleksin yay fəslində də turistləri qəbul etməsi nəzərdə tutulmuşdur. Belə ki, yayda mərkəzdə atçılıq və dağ velosiped idman növünün, eləcə də motosiklet yarışlarının təşkili nəzərdə tutulmuşdur. Bundan əlavə, cari ilin iyun ayında kompleksə daxil olan 364 nəfərlik dörd ulduzlu “Şahdağ Resort SPA” otelinin açılışı da olacaqdır.
Bölmənin digər xəbərləri
