Samux rayonunda ağacəkmə kampaniyası keçirilmişdir
Samux, 2 noyabr (AZƏRTAC). „Ekologiya” ili çərçivəsində Samux rayonu ərazisində 9 mindən artıq ağac əkilmişdir. Əsasən yol kənarlarında əkilən ağacların suvarılmasını təmin etmək üçün iki artezian quyusu qazılaraq istifadəyə verilmişdir.
Bu günlərdə rayon sakinləri kütləvi surətdə iməciliyə çıxaraq daha 3 min ədəd ağac əkmişlər. Kür çayının sağ və sol sahillərində, bu bölgənin iqliminə uyğun olan, əsasən həmişəyaşıl şam ağacları əkilir.
Rayon icra hakimiyyətindən AZƏRTAC-a bildirmişlər ki, noyabrın sonunadək ağacəkmə kampaniyası davam etdiriləcəkdir. Bu müddətdə 15 min ağacın əkilməsi nəzərdə tutulmuşdur.
Bölmənin digər xəbərləri
