Tehranda “HT&T 2013” Beynəlxalq sərgisində Azərbaycan Respublikasına aid bölmə fəaliyyət göstərəcəkdir
Tehran, 25 yanvar (AZƏRTAC). Yanvarın 25-də Tehranda “HT&T 2013” (otelçilik və turizm) Beynəlxalq sərgisi açılacaqdır.
Azərbaycanı bu sərgidə Mədəniyyət və Turizm Nazirliyinin rəsmi nümayəndə heyəti təmsil edəcəkdir.
Nazir müavini Nazim Səmədovun rəhbərlik etdiyi nümayəndə heyəti tədbir çərçivəsində İran rəsmiləri ilə bir sıra görüşlər keçirəcəkdir.
Sərgidə Azərbaycan Respublikası üçün ayrılmış bölmədə ölkəmizdə turizmin inkişafı, beynəlxalq standartlara cavab verən otellər və bu sahələri əhatə edən digər xidmət növləri ilə bağlı əyani vəsaitlər nümayiş etdiriləcəkdir.
Sabir Şahtaxtı
AZƏRTAC-ın xüsusi müxbiri
Tehran
Bölmənin digər xəbərləri
