TƏLƏBƏLƏRİN ELMİ-PRAKTİK KONFRANSI KEÇİRİLMİŞDİR

10.05.2004 [14:38]
Çap et
A⁺ A^-

AZƏRTAC-ın müxbiri xəbər verir ki, Azərbaycan Dövlət İqtisad Universitetində tələbələrin “Regional inkişaf və iqtisadi artım” mövzusunda elmi-praktik konfrans keçirilmişdir.

Universitetin rektor əvəzi, professor Telman Hüseynov konfransı açaraq, tələbələrin elmi işlərə cəlb edilməsinin əhəmiyyətindən danışmışdır.

Elmi işlər üzrə prorektor, professor Arif Şəkərəliyev ümummilli liderimiz Heydər Əliyevin anadan olmasının 81-ci ildönümü ərəfəsində keçən konfransın böyük rəmzi məna daşıdığını bildirmişdir. O, Azərbaycan Prezidenti İlham Əliyevin imzaladığı “Azərbaycan Respublikası regionların sosial-iqtisadi inkişafı Dövlət Proqramının (2004-2008-ci illər)” təsdiq edilməsi haqqında” Fərmanın əhəmiyyətindən danışmışdır.

Konfransda tələbələrin regional inkişaf və iqtisadi artımla bağlı məruzələri dinlənilmişdir.