Türkiyənin “World Travel Channel” telekanalının çəkiliş qrupu Azərbaycandadır
Bakı, 13 may (AZƏRTAC). Mədəniyyət və Turizm Nazirliyinin dəvəti ilə Türkiyənin "World Travel Channel" telekanalının 4 nəfər əməkdaşı mayın 8-dən etibarən Azərbaycandadır.
Mədəniyyət və Turizm Nazirliyinin mətbuat xidmətindən AZƏRTAC-a bildirmişlər ki, məqsəd Azərbaycanın turizm potensialını əks etdirən sənədli filmin hazırlanması və Türkiyənin "World Travel Channel" telekanalında yayımlanmasıdır.
Bununla əlaqədar mayın 18-dək Bakıda, Qubada, İsmayıllıda, Şəkidə, Qəbələdə, Lerikdə, Lənkəranda, Naftalanda, Gəncədə çəkilişlərin aparılması nəzərdə tutulmuşdur.
"World Travel Channel" telekanalının əməkdaşları 2012-ci ildə də Bakıda keçirilən "AİTF" Azərbaycan Beynəlxalq turizm və səyahətlər sərgisi çərçivəsində Azərbaycanda olmuş, ölkəmiz haqqında film hazırlamışdılar.
Bundan əlavə, indiyədək Türkiyənin "Bəyaz TV" telekanalının əməkdaşları tərəfindən ölkəmizdə çəkiliş aparılmış və telekanalın "Dünya turu" proqramında 3 dəfə Azərbaycana həsr edilən veriliş yayımlanmışdır.
Bölmənin digər xəbərləri
