UKRAYNANIN ƏDLİYYƏ NAZİRLİYİ DÜNYA AZƏRBAYCANLILARI KONQRESNİN NÜMAYƏNDİLİYİNİ QEYDİYYATA ALMIŞDIR

24.12.2006 [08:59]
Çap et
A⁺ A^-

AZƏRTAC xəbər verir ki, Dünya Azərbaycanlıları Konqresinin (DAK) Ukraynadakı nümayəndəliyi bu ölkənin Ədliyyə Nazirliyi tərəfindən rəsmi qeydiyyata alınmışdır.

DAK-Ukrayna nümayəndəliyinin məqsədi BMT nizamnaməsini, Ümumdünya insan haqları bəyannaməsini, Ukrayna qanunvericiliyini rəhbər prinsip kimi qəbul edərək soydaşlarımızın professional, sosial və başqa hüquqi mənafeyini qorumaqdan ibarətdir. DAK-ın Ukrayna nümayəndəliyi soydaşlarımızın hüquqlarını beynəlxalq səviyyədə qorumaqla yanaşı, Azərbaycan həqiqətlərini dünya ictimaiyyətinə çatdırmaq vəzifəsini də yerinə yetirəcəkdir.

Nümayəndəlikdən bildirmişlər ki, DAK-Ukrayna MDB məkanında soydaşlarımızın təmsil olunduğu ilk rəsmi beynəlxalq təşkilatdır.

Oqtay Ramazan oğlu Rüstəmov nümayəndəliyin rəhbəri təyin olunmuşdur.