XX ƏSRİN ƏN BÖYÜK QANLI HADİSƏSİ
Bakı, 26 fevral (AZƏRTAC). Fevralın 26-da Qafqaz Universitetində Xocalı soyqırımının 18-ci ildönümünə həsr olunmuş tədbir keçirilmiş, faciə qurbanlarının xatirəsi anılmışdır.
Tədbirdə universitetin rektoru, professor Əhməd Saniç qəsbkar ermənilərin 1992-ci il fevralın 25-dən 26-na keçən gecə Xocalıda törətdikləri faciənin XX əsrin ən böyük qanlı hadisəsi olduğunu vurğulamış, bu hadisənin heç zaman yaddaşlardan silinməyəcəyini bildirmişdir. Xatırlatmışdır ki, məkrli düşmən o gecə Xocalı şəhərini viran qoymuş, 613 nəfəri qəddarcasına qanına qəltan etmişdir.
Digər çıxış edənlər də Xocalı qırğını barədə dünya ictimaiyyətinə daha ətraflı informasiyaların, məlumatların verilməsinin zəruriliyini söyləmiş, düşmənin işğal etdiyi torpaqlarımızın azad olunacağına inandıqlarını bildirmişlər.
Sonra Xocalı faciəsinə həsr olunmuş ədəbi-bədii kompozisiya nümayiş etdirilmişdir.
Bölmənin digər xəbərləri
