Yevlaxda ağacəkmə aksiyasına başlanılmışdır
Yevlax, 25 noyabr (AZƏRTAC). Yevlax rayonunda geniş ağacəkmə aksiyasına başlanılmışdır.
Yevlax Şəhər İcra Hakimiyyətindən AZƏRTAC-a bildirmişlər ki, noyabrın əvvəlindən idarə, müəssisə və xidmət təşkilatlarının, kənd və qəsəbə icra nümayəndələrinin, bələdiyyələrin, sakinlərin iştirakı ilə keçirilən iməciliklər zamanı 8 mindən çox iydə, göyrüş, sərv ağacı əkilmişdir. Hazırda Bakı-Qazax “İpək yolu”nun şəhərin ərazisindən keçən hissəsində, Biznes Mərkəzinin ətrafında, şəhərin Qarxun kəndi istiqamətində və Səmədabad kəndinin girişində ağacəkmə aksiyası keçirilir.
2011-ci ilin ötən dövrində rayonda 66,9 min ağac, 250 min dekorativ ağac əkilmişdir. İlin sonunadək 100 min ağacın əkilməsi nəzərdə tutulmuşdur.
Bölmənin digər xəbərləri
