2012-ci ildə Azərbaycana gələn turistlərin sayı əvvəlki illə müqayisədə artmışdır
Bakı, 6 yanvar (AZƏRTAC). Bu gün Azərbaycanda 400-dən artıq mehmanxana və mehmanxana tipli obyekt fəaliyyət göstərir.
AZƏRTAC xəbər verir ki, bunu jurnalistlərə açıqlamasında mədəniyyət və turizm naziri Əbülfəs Qarayev demişdir.
Nazir bildirmişdir ki, hər il ölkədə 50-yə yaxın yeni yerləşdirmə obyektləri istifadəyə verilir.
Son iki ildə Azərbaycan mehmanxanalarında qiymətlər 15-20 faiz ucuzlaşmışdır. Qanunvericiliyə uyğun olaraq qiymətlərin tənzimlənməsi istiqamətində müəyyən işlər görülür.
Ə.Qarayev demişdir ki, əvvəlki illə müqayisədə 2012-ci ildə Azərbaycan gələn turistlərin sayında da 7-10 faiz artım müşahidə olunmuşdur. Ölkəyə gələn turistlərin yekun sayı barədə məlumatlar bu ilin əvvəllərində dəqiqləşdiriləcəkdir.
Bölmənin digər xəbərləri
