SİYASƏT
QDİƏT-in Baş katibi: Avropa İttifaqına üzvlük strateji hədəflərə əsaslanmalıdır VİDEO
Bakı, 16 mart, AZƏRTAC
Avropa İttifaqına üzvlük, qonşuların sayının artırılması strateji hədəflərə əsaslanmalıdır. Hamımız üzvlüklə bağlı Türkiyəyə qarşı edilənləri yaxşı bilirik.
AZƏRTAC xəbər verir ki, bu fikirləri Qara Dəniz İqtisadi Əməkdaşlıq Təşkilatının (QDİƏT) Baş katibi, Rumıniyanın sabiq xarici işlər naziri Lazar Komanesku XI Qlobal Bakı Forumu çərçivəsində keçirilən “Regional perspektivlər: Avropa İttifaqı və onun qonşuları” mövzusunda iclasında səsləndirib.
Onun sözlərinə görə, Avropa İttifaqı qonşularla münasibətdə üzvlüklə bağlı müəyyən konsepsiya hazırlamalıdır və bu konsepsiya hər iki tərəfin marağına uyğun olmalıdır.
“Gəlin düşünək ki, Aİ bizə lazımdırmı? Məsələn, mənim ölkəmin Aİ-yə üzvlüyünün ona nə verəcəyi bizi düşündürür. Şəxsən mənim bununla bağlı tərəddüdlərim var”, - deyə sabiq xarici işlər naziri vurğulayıb.
Bölmənin digər xəbərləri
