Bakı, 1 sentyabr (AZƏRTAC). “Azərenerji” ASC-nin mətbuat xidmətindən AZƏRTAC-a bildirilib ki, “Ağdaş” Elektrik Şəbəkəsi Müəssisəsi üzrə payız-qış mövsümünə hazırlıq işləri aparılır.

Son iki ayda müəssisənin balansına aid olan elektrik verilişi xətlərində, yarımstansiyalarda və transformator məntəqələrində, hava xətlərində təmir işləri yerinə yetirilib. Eyni zamanda, şəbəkənin texniki-iqtisadi göstəricilərinin yaxşılaşdırılması istiqamətində mühüm işlər görülüb.