“AVİAREPS” Azərbaycan və Gürcüstan bazarlarında satış agenti təyin olunub
Bakı, 30 mart, AZƏRTAC
Turizm, aviasiya və ticarət təşviqi sahələrində nümayəndə xidmətləri üzrə beynəlxalq lider olan “AVİAREPS” şirkəti Sinqapur Hava Yollarının Azərbaycan və Gürcüstan bazarlarında satış agenti təyin edilib.
AZƏRTAC xəbər verir ki satış, marketinq və rezervasiya fəaliyyəti göstərən şirkət aprelin 1-dən etibarən Sinqapur Hava Yollarının sözügedən ölkələrdə satış şəbəkəsinin genişlənməsi istiqamətində fəaliyyət göstərəcək.
“AVİAREPS”in icraçı direktoru Edgar Lacker deyib: “Azərbaycan dinamik inkişaf edən ölkə olaraq, uzun müddətdir ki, bizim beynəlxalq müştərilərin nəzərindədir. Yeni açılmış ofisimiz və peşəkar komandamızla Azərbaycanın və Gürcüstanın işgüzar bazarının iştirakçısı olmaq bizi çox fərəhləndirir”.
Bölmənin digər xəbərləri
