Azərbaycan Qlobal Sağlamlıq Turizmi Zirvəsi və Sərgisində təmsil olunacaq
Bakı, 17 oktyabr, AZƏRTAC
Oktyabrın 19-dan 21-dək Ankarada Qlobal Sağlamlıq Turizmi Zirvəsi və Sərgisi (Health Sumex) təşkil olunacaq. Tədbirdə Azərbaycan Sağlamlıq və Termal Turizmə Dəstək Assosiasiyası ölkəmizin sağlamlıq turizm imkanları barədə geniş təqdimat edəcək.
Assosiasiyadan AZƏRTAC-a bildirilib ki, tədbir Türkiyə Respublikası Səhiyyə Nazirliyinin himayəsi, İqtisadiyyat, Mədəniyyət və Turizm, İnkişaf, Avropa Birliyi nazirlikləri və Türkiyə Sağlamlıq Turizmini İnkişaf etdirmə Şurasının dəstəyi ilə baş tutacaq. Tədbirdə sağlamlıq turizm fəaliyyəti ilə məşğul olan 32 təşkilat, qurum və dərnəyin iştirakı nəzərdə tutulur.
Qeyd edək ki, Azərbaycan Sağlamlıq və Termal Turizmə Dəstək Assosiasiyası da Qlobal Sağlamlıq Turizmi Zirvəsi və Sərgisinə dəstək verən ictimai birliklər sırasındadır.
Bölmənin digər xəbərləri
