AZƏRBAYCAN RƏQSLƏRİ HYUSTONLULARI HEYRAN QOYMUŞDUR
AZƏRTAC xəbər verir ki, Azərbaycan rəqsləri ABŞ-ın Hyuston şəhərində keçirilən 18-ci Beynəlxalq Türk Festivalının 4 mindən çox tamaşaçısını heyran qoymuşdur. ABŞ-dakı Azərbaycan diaspor təşkilatlarından biri olan “Hyuston Azərbaycanlıları Cəmiyyəti”nin rəqs qrupu festivalda “Çiçəklər”, “Üzüm”, “Naz-nazı” və “Arzu” milli rəqslərimizi ifa etmişdir. Rəqs qrupunun çıxışı alqışlarla qarşılanmışdır.
Xarici Ölkələrdə Yaşayan Azərbaycanlılarla İş üzrə Dövlət Komitəsinin mətbuat xidmətindən bildirmişlər ki, “Hyuston Azərbaycanlıları Cəmiyyəti” 2004-cü ildə yaradılmışdır. Rəhbəri həmyerlimiz Natalya Kassenyevadır. O özü də qrupun tərkibində rəqs etmişdir. Qrup 2009-cu ilin Novruz bayramı tədbirləri üçün yeni rəqs nömrələri üzərində işləyir.
######
Bölmənin digər xəbərləri
