AZƏRBAYCAN VƏ TÜRK DİASPOR TƏŞKİLATLARININ ƏLAQƏLƏNDİRMƏ ŞURASI YARADILACAQDIR
AZƏRTAC xəbər verir ki, Dünya Azərbaycan və türk diaspor təşkilatları rəhbərlərinin I forumunda türk dövlətləri arasında strateji tərəfdaşlıq münasibətlərinin inkişafı, türkdilli xalqların tarixi, müasir həyatı, sosial-iqtisadi inkişaf səviyyəsi, mədəniyyəti ilə bağlı məlumatların dünya ictimaiyyətinə çatdırılması, diaspor təşkilatlarının fəaliyyətinin səmərəliliyinin artırılması məqsədi ilə Azərbaycan və türk diaspor təşkilatlarının Əlaqələndirmə Şurası yaradılacaqdır.
Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov bildirmişdir ki, Şuranın üzvləri xarici ölkələrdə fəaliyyət göstərən azərbaycanlı və türk icmalarının rəhbərlərindən seçiləcəkdir. Şura fəaliyyət strategiyasında nəzərdə tutulmuş tədbirlərin həyata keçirilməsini əlaqələndirəcək, növbəti foruma qədər görülmüş işlərin hesabatını hazırlayacaqdır.
Bölmənin digər xəbərləri
