Azərbaycanda vizanın elektron formada verilməsi ölkəyə turist axınını artıracaqdır
Bakı, 5 aprel (AZƏRTAC). Azərbaycana gələn xarici vətəndaşlara vizanın elektron qaydada verilməsi ölkəyə turist axınını artıracaqdır.
AZƏRTAC xəbər verir ki, bunu mədəniyyət və turizm naziri Əbülfəs Qarayev jurnalistlərə müsahibəsində demişdir.
Onun sözlərinə görə, xarici vətəndaşlara vizaların elektron formada verilməsinə artıq başlanılmışdır. Biz 30-a yaxın turizm şirkəti ilə danışıqlar aparmışıq. Artıq həmin şirkətlərin əməkdaşları müvafiq treninqlərdən keçmiş və lisenziyalaşdırılmışdır. Sözügedən turizm şirkətləri xarici vətəndaşlara elektron qaydada vizanı verə biləcək və ümid edirəm ki, bu, ölkəyə gələn xarici vətəndaşların sayına müsbət təsir göstərəcəkdir.
Ə.Qarayev əlavə etmişdir ki, Azərbaycana gələn əcnəbi vətəndaşlara elektron viza 20 ABŞ dollarına təklif olunur.
Bölmənin digər xəbərləri
