AZƏRBAYCANIN MOSKVADAKI SƏFİRLİYİNDƏ HƏMVƏTƏNLƏRİMİZƏ PASPORTLAR VERİLMƏYƏ BAŞLANMIŞDIR
AZƏRTAC-ın xüsusi müxbiri xəbər verir ki, fevralın 20-də Azərbaycanın Moskvadakı səfirliyində Rusiyada yaşayan həmvətənlərimizə pasportlar verilməsinə başlanmışdır.
Azərbaycan DİN-in Rusiyadakı səlahiyyətli nümayəndəsi, sənədlərin toplanması və pasportların verilməsi üzrə işin rəhbəri Vaqif Şərifov AZƏRTAC-ın müxbirinə bildirmişdir ki, artıq 10 adam pasport almışdır. Pasport alınması üçün sənədlərin toplanmasına fevralın 16-da başlanmışdır və Azərbaycan DİN-in əməkdaşları səfirliyin konsul şöbəsində çalışaraq, bu məsələ ilə bilavasitə məşğul olurlar. Müəyyən edilmiş qaydalara əsasən, vətəndaşların sənədləri Azərbaycan DİN-in Viza və qeydiyyat şöbəsinə göndərilir və orada hazırlanaraq Moskvaya qaytarılır.
V.Şərifovun sözlərinə görə, hər gün 40-50 adam sənəd verir. Pasportlarının müddəti bitmiş vətəndaşlarımız indi Rusiya ərazisini tərk etmədən təzə pasport ala bilərlər.
Bölmənin digər xəbərləri
